Riding Iceland sameinast Biking Viking

Helsta mótorhjólaleiga landsins, Riding Iceland, hefur nú sameinast Biking Viking undir nafni því síðarnefnda. Úrval hjóla og ferða verður því meira og betra en áður en flotinn samanstendur að mestu af BMW F650 GS og Kawasaki KLR 650, en einnig Kawasaki Versys, Honda Transalp, Yamaha XT660 og Suzuki V-Strom.

Biking Viking í Visordown tímaritinu

Eins og allir Íslendingar vita er lítið mál að hjóla að næturlagi yfir hásumarið en það þótti ritstjóra Visordown í Bretlandi spennandi tilhugsun. Hann heitir John Cantlie og heimsótti okkur í júní til að taka þátt í Longest Day túrnum. Hann fór með okkur út á Reykjanes og upp að rótum Langjökuls þar sem við áðum þegar klukkuna vantaði tvær mínútur í miðnætti, en það var einmitt titill greinarinnar í blaðinu, sem nær yfir rúmar þrjár opnur. 

 

Biking Viking opnar mótorhjólaþjónustu

Biking Viking hefur opnað mótorhjólaþjónustu að Langholtsvegi 111 í Reykjavik. Verkstæðið er vel búið til að þjónusta ferðahjólin sem og önnur mótorhjól. Við höfum langa reynslu af BMW hjólum og bjóðum upp á tölvulestur á þeim sem og alla hefðbundna þjónustu, frá dekkjaskiptum til vélaviðgerða.

Breytingar fyrir árið 2009

Árið 2009 er ellefta ár Biking Viking nafnsins og í ár höfum við bætt við fimm ferðum í samvinnu við World of BMW í Bretlandi. Tvær ferðanna eru alveg nýjar og tvær verða hálendisferðir með hinum fræga Dakar keppnismanni, Simon Pavey, en hann er einnig þekktur fyrir að hafa þjálfað Ewan McGregor og Charley Boorman fyrir ferð þeirra kringum hnöttinn. Síðast en ekki síst verður eins kvennaferð á dagatalinu og verða leiðsögumennirnir einnig konur í þeirri ferð.